L'instrumentala

Dapi passa 30 onns sunan las musicas da Breil e Dardin communablamain. Per il public da RTR han las musicantas ed ils musicants da la musica da Breil/Dardin mess ensemen in'ura musica instrumentala divertenta.

Il redactur da musica ed amatur da musica instrumentala preschenta ses giavischs. L'anteriur dirigent da la Societad da musica Surrein e posaunist è creschì si cun musica instrumental. Per l'Instrumentala ha el tschertgà intginas ovras che plaschan spezialmain bain ad el.

Dapi passa 145 onns tun, tradiziun e passiun. Fundada il 1879 delectescha l'orchester instrumental da la chapitala grischuna la vita culturala da Cuira. Ella ha radund 60 commembras e commembers ed intgins dad els tradeschan lur giavischs musicals en l'instrumentala. Bun divertiment.

La furmaziun d’armonia ha mess ensemen in program fitg variant. L’onn da fundaziun da la MiMS n’è betg enconuschent exact. Ina musica, la Blechmusik Donath, vegn però numnada en in rapport da cumin dal 1889. Dapi lura exista la societad da musica e delectescha la populaziun regularmain cun concerts. En «L’instrumentala» tradeschan musicantas e musicants lur giavischs musicals.

La societad da musica exista dapi 55 onns. Il 1961 è ella naschida or da la fusiun da las duas societads da musica confessiunalmain separadas Musikgesellschaft Churwalden ed Alpenrösli Churwalden. En l'emissiun sa preschenta la musica cun ses gusts musicals.

La musicanta da hobi fa il mument in praticum tar RTR. Annica Dermon deriva da la Val Lumnezia e suna gist en duas societads da musica il cornet. Ses plaschair e gust vid la musica da brass mussa ella era cun l'instrumentala ch'ella ha mess ensemen.

Musicantas e musicants han rimnà in bouquet da musica instrumentala preferida. Questa furmaziun datti dapi l'onn 2014 – fundada ord spir entusiassem per la musica boema e morava. Quai ch'ha cumenzà ina giada cun 10 musicantas e musicants engaschads è oz creschì ad in ensemble motivà da 14 musicistas e musicists. Els collia cunzunt ina chaussa: il plaschair da far musica cuminaivlamain. Lur repertori è uschè varià sco lur public: Da cumposiziuns modernas fin a melodias enconuschentas stendan els l'artg sur l'entira sparta da la musica da trategniment. Lur motto principal: far musica cun schlantsch, cun sentiment ed adina era cun cor.

Il dirigent e cornetist passiunà ama ils marschs. Ses pli bels ha el mess ensemen per l'emissiun. Musica e chant èn las grondas passiuns da Duri Janett. El ha dirigì il chor sco era la musica da Tschlin. Adina plaschì fitg bain ad el han ils marschs. En l'emissiun preschenta el ses marschs favurits e po era raquintar ina u l'autra istorgia vitiers.

Dapi blers onns suna la musica il stil da "Blaskapelle". Questa giada, gist curt avant la concurrenza svizra da las armonias u Blaskapelle tradeschan musicantas e musicants lur tocs predilets. Bun divertiment.

Remo Meier oriund da Sta. Maria suna dapi intgins onns en la furmaziun. Il motto da Dorfspatzen Oberägeri è "erfrischend anders" ed uschia preschentan els era lur giavischs musicals en l'emissiun. Remo Meier alias Tubameier suna la tuba e beneventa vus en stget jauer.

Il musicist e dirigent dat invista en ses gust musical. Reto Lehner è fitg activ ed engaschà en la scena da musica instrumentala en l'Engiadina. El suna en la musica da Zernez e dirigia la musica da giuvenils La Plaiv Zernez. Il matg ha el dirigì cun success l'Uniun musicala Engiadina, ina musica ad hoc ch'è sa preschentada a la Festa federala da musica a Bienna.

Il dirigent, musicist e suprastant dal district da musica Surselva preschenta ses giavischs musicals. Dapi intgins onns dirigia Adrian Degonda la Societad da musica Trun ed el suna er eufonium en l'Uniun da musica Sagogn. E sper l'activitad sco dirigent e musicant s'engascha el er en la suprastanza dal district da musica IV, il district da musica Surselva. Per «L'Instrumentala» ha el mess ensemen ses tocs favurits.

Ils gusts musicals da Lantsch. Musicantas e musicants da l'Uniaun da musica Lantsch ha mess ensemen in'emissiun divertenta cun buna musica instrumentala. Bun divertiment.

L'episoda da quest venderdi vegn da musicantas e musicants da Sumvitg/Cumpadials. L'uniun è vegnida fundada il 1895 e commembras e commembers han grond plaschair da preschentar in'ura cun lur giavischs musicals. In'ura che fa curturella. Bun divertiment.

Marschs, polcas, solos e hits da rock e pop - uschè vast è la glista da giavischs musicals da musicantas e musicants da la Societad da musica Suraua. In'ura delectaivla che fa buna luna.